ଯେତେବେଳେ ସଲମାନ୍ କହିଥିଲେ ମୁଁ ତୁମ ସହ କାମ କରିବି ନାହିଁ, ସେତେବେଳେ ଉତ୍ତରରେ ସରୋଜ୍ କହିଥିଲେ ଯେ, ଖାଦ୍ୟ ତୁମେ ନୁହେଁ ଭଗବାନ ଦିଅନ୍ତି

ଯେତେବେଳେ ସଲମାନ୍ କହିଥିଲେ ମୁଁ ତୁମ ସହ କାମ କରିବି ନାହିଁ, ସେତେବେଳେ ଉତ୍ତରରେ ସରୋଜ୍ କହିଥିଲେ ଯେ, ଖାଦ୍ୟ ତୁମେ ନୁହେଁ ଭଗବାନ ଦିଅନ୍ତି

ମାଧୁରୀ ଦୀକ୍ଷିତଙ୍କ ଠାରୁ ଆରମ୍ଭ କରି ଐଶ୍ୱର୍ଯ୍ୟା ରାୟଙ୍କ ପର୍ଯ୍ୟନ୍ତ ଅନେକ ଅଭିନେତ୍ରୀଙ୍କୁ ନୃତ୍ୟ ଶିକ୍ଷା ଦେଉଥିବା ଲୋକପ୍ରିୟ କୋରିୟୋଗ୍ରାଫର୍ ସରୋଜ୍ ଖାନଙ୍କର ହୃଦଘାତ କାରଣରୁ ନିଧନ ହୋଇଛି । ସେ ୭୧ ବର୍ଷୀୟ ଥିଲେ ଏବଂ କିଛିଦିନ ଧରି ରୋଗାକ୍ରାନ୍ତ ମଧ୍ୟ ଥିଲେ । ଶୁକ୍ରବାର ସକାଳ ୭ ସମୟରେ ସରୋଜ ଖାନଙ୍କୁ ସୁପୁର୍ଦେ-ଏ- ଖାକ କରାଯାଇଥିଲା । ସରୋଜ ଖାନଙ୍କୁ ତାଙ୍କର ସ୍ପଷ୍ଟଭାଷୀ ଶୈଳୀ ପାଇଁ ସମସ୍ତେ ଜାଣନ୍ତି । ଏହି କାରଣ ଥିଲା ଯେ, ସେ ଅନେକଥର ବିବାଦରେ ରହିଛନ୍ତି । ଥରେ ସେ ସଲମାନ୍ ଖାନଙ୍କୁ ମଧ୍ୟ ଦୃଢ଼ ଶୈଳୀରେ ଜବାବ୍ ଦେଇଥିଲେ ।

Google

ବାସ୍ତବରେ ସରୋଜ ଖାନ୍ ଯେତେବେଳେ ୧୯୯୪ ରେ ରିଲିଜ ହୋଇଥିବା ଫିଲ୍ମ ‘ଅନ୍ଦାଜ ଅପନା ଅପନା’ର ଗୋଟିଏ ଗୀତ ‘ୟେ ଚାନ୍ଦ ଅର ୟେ ଦୂରୀ’ କୋରିୟୋଗ୍ରାଫ କରୁଥିଲେ, ସେତେବେଳେ ସଲମାନ୍ ଖାନ୍ ତାଙ୍କ ଉପରେ ବିରକ୍ତ ହୋଇଥିଲେ । ସଲମାନଙ୍କୁ ଶୁଟିଂ ସମୟରେ ଏପରି ଲାଗିଥିଲା ଯେ, ସରୋଜ ଖାନ୍ ଅମୀରଙ୍କୁ ତାଙ୍କ ଠାରୁ ଅଧିକ ଭଲ ଷ୍ଟେପ୍ ଦେଉଛନ୍ତି ।

Google

ସଲମାନ୍ ଏହି କଥାରେ ରାଗିଯାଇଥିଲେ ଏବଂ ସରୋଜ ଖାନଙ୍କୁ ମନଇଚ୍ଛା ଶୁଣାଇ କହିଥିଲେ ଯେ, ଯେବେ ମୁଁ ସୁପରଷ୍ଟାର୍ ହୋଇଯିବି ସେତେବେଳେ ତୁମ ସହିତ କେବେବି କାମ କରିବିନାହିଁ । ସରୋଜ ଖାନ୍ କିଛି ଦିନ ପୂର୍ବରୁ ଏକ ଇଣ୍ଟରଭିଉରେ ଏହି ବିଷୟ ସେୟାର କରିଥିଲେ ।

Google

ସରୋଜ ଖାନ୍ କହିଥିଲେ ଯେ, ମୁଁ କେବଳ ଗୀତ ଅନୁସାରେ ସଲମାନଙ୍କୁ ଷ୍ଟେପ୍ ଶିଖାଉଥିଲି । ନିର୍ଦ୍ଦେଶକ ମୋତେ ଚରିତ୍ର ଗୁଡିକ ବିଷୟରେ ଯାହାସବୁ କହିଥିଲେ, ମୁଁ ସେହି ଅନୁସାରେ ସମସ୍ତଙ୍କୁ ଷ୍ଟେପ୍ ଶିଖାଉଥିଲି ।

ସରୋଜ ଖାନଙ୍କ ମୁତାବକ, ଯେତେବେଳେ ସଲମାନ୍ ଖାନ୍ ମୋତେ କହିଲେ ଯେ, ସେ ମୋ ସହିତ କେବେ କାମ କରିବେ ନାହିଁ ମୁଁ ତାଙ୍କୁ ଉତ୍ତର ଦେଇଥିଲି ଯେ, ଖାଦ୍ୟ ଭଗବାନ ଦିଅନ୍ତି । ଯଦି ମୋ ମଧ୍ୟରେ ସେତିକି ପ୍ରତିଭା ଏବଂ କ୍ଷମତା ଥିବା ତାହାଲେ ତୁମେ ନହେଲେ ବି ଆଉ କେହି ମୋ ସହିତ କାମ କରିବ ।

Google

କ୍ୟାରିଅରର ଆରମ୍ଭରେ ଶାହରୁଖ୍ ଖାନ୍ ଯେତେବେଳେ ଅନେକ ଶିଫ୍ଟରେ କାମ କରି ଥକି ଯାଇଥିଲେ ସେ ସରୋଜ ଖାନଙ୍କୁ କହିଥିଲେ ଯେ, ଏତେ କାମ ରହିଛି ଯେ ମୁଁ ଥକି ଯାଉଛି । ସେତେବେଳେ ସରୋଜ ଖାନ୍ ତାଙ୍କୁ ଚାପୁଡ଼ା ଲଗାଇ କହିଥିଲେ ଯେ, କେବେବି ଏପରି କହିବ ନାହିଁ ଯେ ବହୁତ କାମ ରହିଛି । ଏହି ଫିଲ୍ଡରେ କେବେ ଅଧିକ କାମ ହୋଇନଥାଏ ।

Google

କୋରିୟୋଗ୍ରାଫର୍ ଗଣେଶ ଆଚାର୍ଯ୍ୟ କିଛି ମାସ ପୂର୍ବରୁ ସରୋଜ ଖାନଙ୍କ ଉପରେ ତାଙ୍କ ବିରୋଧରେ ଷଡ଼ଯନ୍ତ୍ରର ଆରୋପ ଲଗାଇଥିଲେ । ଗଣେଶ ଏହିକଥା ସେତେବେଳେ କହିଥିଲେ, ଯେତେବେଳେ ଜଣେ ମହିଳା ତାଙ୍କ ଉପରେ କାମ ବଦଳରେ ଜବରଦସ୍ତି ଏଡଲ୍ଟ ଭିଡ଼ିଓ ଦେଖାଇବାର ଆରୋପ ଲଗାଇଥିଲେ । ମହିଳାଙ୍କ ଅଭିଯୋଗ ପରେ ଗଣେଶ ଆଚାର୍ଯ୍ୟ ସରୋଜ ଖାନଙ୍କ ଉପରେ ତାଙ୍କ ବିରୋଧରେ ଷଡ଼ଯନ୍ତ୍ର କରିବାର ଆରୋପ ଲଗାଇଥିଲେ ।

Google

୨୦୦୦ରୁ ମଧ୍ୟ ଅଧିକ ଗୀତରେ କୋରିୟୋଗ୍ରାଫ କରିସାରିଥିବା ସରୋଜ ଖାନଙ୍କ ଜନ୍ମ ନଭେମ୍ବର ୨୨, ୧୯୪୮ ରେ ହୋଇଥିଲା । କିଶନଚନ୍ଦ ସନ୍ଧୁ ସିଂହ ଏବଂ ନୋନୀ ସନ୍ଧୁ ସିଂହଙ୍କ ଘରେ ଜନ୍ମ ହୋଇଥିବା ସରୋଜଙ୍କ ପ୍ରକୃତ ନାମ ନିର୍ମଳା ନାଗପାଳ ଅଟେ ।

Google

ବିଭାଜନ ପରେ ସରୋଜଙ୍କ ପରିବାର ପାକିସ୍ତାନରୁ ଭାରତ ଆସିଯାଇଥିଲେ । ପ୍ରାୟ ୩ବର୍ଷ ବୟସରେ ସେ ଶିଶୁକଳାକାର ଭାବେ ତାଙ୍କ କ୍ୟାରିଅରର ପ୍ରାରମ୍ଭ ଫିଲ୍ମ ‘ନଜରାନା’ରୁ କରିଥିଲେ । ସରୋଜ ଖାନ୍ ୧୩ବର୍ଷ ବୟସରେ ଇସଲାମ୍ ଧର୍ମ ଗ୍ରହଣ କରି ୪୩ ବର୍ଷୀୟ ଡାନ୍ସ ମାଷ୍ଟର୍ ବୀ ସୋହନଲାଲଙ୍କୁ ବିବାହ କରିଥିଲେ ।

Leave a Reply

Your email address will not be published. Required fields are marked *