ଯେତେବେଳେ ଡାକ୍ତରଖାନାରେ ମୃତ୍ୟୁ ସହ ସଂଘର୍ଷ କରୁଥିଲେ ଅମିତାଭ, ସେହି ସମୟରେ ରେଖା କହିଥିଲେ, ‘ମୁଁ ମୃତ୍ୟୁକୁ ଗ୍ରହଣ କରିପାରିବି କିନ୍ତୁ…

ଯେତେବେଳେ ଡାକ୍ତରଖାନାରେ ମୃତ୍ୟୁ ସହ ସଂଘର୍ଷ କରୁଥିଲେ ଅମିତାଭ, ସେହି ସମୟରେ ରେଖା କହିଥିଲେ, ‘ମୁଁ ମୃତ୍ୟୁକୁ ଗ୍ରହଣ କରିପାରିବି କିନ୍ତୁ…

ହିନ୍ଦୀ ସିନେମାର ଭେଟେରାନ୍ ଅଭିନେତା ଅମିତାଭ ବଚ୍ଚନଙ୍କର ସମଗ୍ର ବିଶ୍ୱ ଦୀୱାନା ଅଟେ । ସେ ବଲିଉଡକୁ ଏକାଧିକ ହିଟ୍ ଫିଲ୍ମ ଦେଇଛନ୍ତି । ୧୯୬୯ମସିହାରେ ଚଳଚ୍ଚିତ୍ର କ୍ୟାରିଅର୍ ଆରମ୍ଭ କରିଥିବା ଅମିତାଭ ବଚ୍ଚନ ଖୁବ୍ କମ୍ ସମୟ ମଧ୍ୟରେ ବହୁତ ସଫଳତା ହାସଲ କରିଥିଲେ ଏବଂ ଆଜି ମଧ୍ୟ ବଲିଉଡରେ ତାଙ୍କର ସ୍ଥିତି ମଜବୂତ ରହିଛି ।

୭୮ ବର୍ଷ ବୟସରେ ମଧ୍ୟ ବିଗ-ବି ବଲିଉଡରେ କାମ କରୁଛନ୍ତି । ନିଜର କଳା, ବ୍ୟକ୍ତିତ୍ୱ ଏବଂ ସଂଳାପ ବିତରଣ ତଥା ନିଜ ଲଭଲାଇଫ୍ ଆଫେୟାର୍ ପାଇଁ ସେ ଖୁବ୍ ଚର୍ଚାରେ ରହିଥାନ୍ତି ବିଗ-ବି । ଭେଟେରାନ୍ ଅଭିନେତ୍ରୀ ରେଖା ସହ ତାଙ୍କର ସମ୍ପର୍କ ପାଇଁ ସେ ସବୁବେଳେ ହେଡଲାଇନରେ ରହିଥାନ୍ତି ।

ଅମିତାଭ ବଚ୍ଚନ ଏବଂ ରେଖା ଦୁହେଁ ପରସ୍ପରକୁ ପାଗଳପରି ପ୍ରେମ କରୁଥିଲେ । ଆଜି ବି ଉଭୟଙ୍କ ପ୍ରେମକୁ ନେଇ ଖୁବ୍ ଚର୍ଚ୍ଚା ହୁଏ । ଯେତେବେଳେ ଅମିତାଭ ବଚ୍ଚନଙ୍କ ସହ ରେଖାଙ୍କ ସମ୍ପର୍କ ଭାଙ୍ଗିଲା ସେତେବେଳେ ରେଖାଙ୍କୁ ଖୁବ୍ ଝଟକା ଲାଗିଥିଲା । ତାଠାରୁ ମଧ୍ୟ ବଡ ଝଟକା ରେଖାଙ୍କୁ ଲାଗିଥିଲା ଯେତେବେଳେ ଅମିତାଭ ବଚ୍ଚନ ମୃତ୍ୟୁ ସହ ସଂଘର୍ଷ କରୁଥିଲେ ।

ଫିଲ୍ମ କୁଲିର ସୁଟିଂ ସମୟରେ ଅମିତାଭ ବଚ୍ଚନଙ୍କୁ ଆଘାତ ଲାଗିଥିଲା ଏବଂ ସେଥିରେ ସେ ଗୁରୁତର ଆହତ ହୋଇଥିଲେ । ଅମିତାଭ ବଚ୍ଚନଙ୍କୁ ଅନେକ ଦିନ ହସ୍ପିଟାଲରେ ରହିବାକୁ ପଡିଥିଲା । ଅମିତାଭ ବଚ୍ଚନ ଏବଂ ପୁନୀତ ଇସରଙ୍କ ମଧ୍ୟରେ ଏକ ଫାଇଟିଂ ସିନ୍ ସୁଟିଂ ହେଉଥିଲା । ସେହି ସିନ୍ ଅନୁଯାୟୀ ପୁନୀତ ଅମିତାଭଙ୍କୁ ତାଙ୍କ ଅଣ୍ଟା ଓ ପେଟ ନିକଟରେ ମାଡ଼ ମରିବାର ଥିଲା । ଭୁଲରେ ପୁନୀତଙ୍କ ଅମିତାଭଙ୍କୁ ଖୁବ୍ ଜୋରରେ ଏକ ମାଡ ଦେଇଥିଲେ ଏବଂ ଅମିତାଭଙ୍କ ଅବସ୍ଥା ବିଗିଡି ଯାଇଥିଲା ।

ଏହାପରେ ଅମିତାଭ ବଚ୍ଚନଙ୍କୁ ଡାକ୍ତରଖାନା ନିଆଯାଇଥିଲା । ବିଗ-ବି ଅନେକ ଦିନ ହସ୍ପିଟାଲରେ ଭର୍ତ୍ତି ହୋଇଥିଲେ ଏବଂ ଅମିତାଭଙ୍କ ସୁସ୍ଥତା ସାରା ଦେଶ କାମନା କରୁଥିଲା । ରେଖା ମଧ୍ୟ ଏହି ସମୟରେ ବିଗ-ବି ଦେଖିବାକୁ ଡାକ୍ତରଖାନା ଯିବାକୁ ଚାହୁଁଥିଲେ । କିନ୍ତୁ ଅଭିନେତ୍ରୀ ରେଖାଙ୍କୁ ଅମିତାଭଙ୍କୁ ଭେଟିବାକୁ ଦିଆଯାଇନଥିଲା । ଏହି ଘଟଣା ଯୋଗୁଁ ରେଖା ସମ୍ପୂର୍ଣ୍ଣ ଭାବେ ଭାଙ୍ଗିଯାଇଥିଲେ ।

ସେହି ସମୟରେ ଅମିତାଭ ବଚ୍ଚନ ଏବଂ ରେଖାଙ୍କ ମଧ୍ୟରେ ସମ୍ପର୍କ ଭାଙ୍ଗିଯାଇଥିଲା କିନ୍ତୁ ଏହା ସତ୍ୱେ ରେଖା ବିଗ-ବିଙ୍କୁ ଭେଟିବାକୁ ଚାହୁଁଥିଲେ । କିନ୍ତୁ ସେତେବେଳେ ରେଖାଙ୍କୁ ସାକ୍ଷାତ କରିବାକୁ ଅନୁମତି ଦିଆଯାଇନଥିଲା । ପରେ ସେ ଏକ ସାକ୍ଷାତକାରରେ କହିଥିଲେ ଯେ, ‘ମୁଁ ମୃତ୍ୟୁ ଗ୍ରହଣ କରିପାରିବି କିନ୍ତୁ ଏହି ଅସହାୟତା ନୁହେଁ । ବୋଧହୁଏ ମୃତ୍ୟୁ ମଧ୍ୟ ଏତେ ନିର୍ଦୟ ନୁହେଁ ।’

ଅମିତାଭ ବଚ୍ଚନ ଏବଂ ରେଖାଙ୍କ ପ୍ରଶଂସକମାନେ ଦୁହିଁଙ୍କ ଯୋଡିକୁ ରିଲ୍ ଏବଂ ରିଅଲ୍ ସବୁଥିରେ ଭଲ ପାଆନ୍ତି ଯଦିଓ ଉଭୟଙ୍କ ପ୍ରେମ ସାର୍ଥକ ହୋଇପାରିଲା ନାହିଁ । ଏହି ଦୁଇଜଣ ଯେତେବେଳେ ରିଲେଶନରେ ଥିଲେ ସେତେବେଳେ ଅମିତାଭ ବିବାହିତ ଥିଲେ । ରେଖା ଏବଂ ଅମିତାଭଙ୍କୁ ‘ସିଲସିଲା’ ଫିଲ୍ମରେ ଶେଷଥର ପାଇଁ ଦେଖିବାକୁ ମିଳିଥିଲା ଯେଉଁଥିରେ ଉଭୟଙ୍କ ଯୋଡି ଦର୍ଶକ ଖୁବ୍ ଭଲପାଇବା ଦେଇଥିଲେ ।

Leave a Reply

Your email address will not be published. Required fields are marked *