କରୋନା ଯୋଗୁଁ ଲୋକମାନେ ଭୟଭୀତ ଅବସ୍ଥାରେ ରହୁଛନ୍ତି । ପ୍ରତିଦିନ ହଜାର ହଜାର ଲୋକ ଏହି ଭୁତାଣୁରେ ସଂକ୍ରମିତ ହେଉଛନ୍ତି । ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ସରକାର ଅନେକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଉଛନ୍ତି । ଏଭଳି ପରିସ୍ଥିତିରେ ସାଧାରଣ ଲୋକଙ୍କ ପରି ବଲିଉଡର ସେଲିବ୍ରେଟମାନେ ମଧ୍ୟ ନିଜ କାମକୁ ଫେରିଛନ୍ତି । ଏଥିସହିତ ସେଲିବ୍ରେଟଙ୍କ ସହ ଜଡିତ ଥ୍ରୋବ୍ୟାକ୍ ଫଟୋ ଏବଂ ଭିଡିଓ ମଧ୍ୟ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ସମୟରେ ଅକ୍ଷୟ କୁମାର ଏବଂ ଟ୍ୱିଙ୍କଲ ଖାନ୍ନାଙ୍କ ବିଷୟରେ ଏକ ରୋଚକ ତଥ୍ୟ ଭାଇରାଲ୍ ହେବାରେ ଲାଗିଛି । କିଛି ଦିନ ପୂର୍ବେ ଅକ୍ଷୟ କୁମାର ହାସ୍ୟ ଅଭିନେତା କପିଲ ଶର୍ମାଙ୍କ ଶୋ’ରେ ଏବିଷୟରେ କହିଥିଲେ । କେବଳ ଏତିକି ନୁହେଁ, ସେ ତାଙ୍କ ଜୀବନ ସହ ଜଡିତ ଅନେକ ରୋଚକ ତଥ୍ୟ ମଧ୍ୟ ପ୍ରକାଶ କରିଥିଲେ । ସୋ’ ମଧ୍ୟରେ ଅର୍ଚ୍ଚନା ପୁରଣ ସିଂ ଅକ୍ଷୟଙ୍କୁ କିଛି ପ୍ରଶ୍ନ ପଚାରିଥିଲେ ଏବଂ ଅକ୍ଷୟ ତିଳେ ହେଲେ ବି ବିଳମ୍ବ ନକରି ଏହି ପ୍ରଶ୍ନର ଉତ୍ତର ଦେଇଥିଲେ ।
ଅର୍ଚ୍ଚନା ପଚାରିଥିଲେ ଯେ, ସେ ନିଜ ଲାଇଫକୁ ରାଜାଙ୍କ ଭଳି ଉପଭୋଗ କରନ୍ତି କି ? ଯାହାର ଉତ୍ତରରେ ସେ କହିଥିଲେ ଯେ ନା ସେ ରାଜାଙ୍କ ଭଳି ଜୀବନ ଅତିବାହିତ କରି ନାହାଁନ୍ତି । ଏହା ଉପରେ ଅର୍ଚ୍ଚନା ଦ୍ୱିତୀୟ ପ୍ରଶ୍ନ ପଚାରିଥିଲେ, ଯେତେବେଳେ ସେମାନଙ୍କ ମଧ୍ୟରେ ଝଗଡା ହୁଏ, ତେବେ ଅକ୍ଷୟ ଏବଂ ଟ୍ୱିଙ୍କଲ ଖାନ୍ନାଙ୍କ ମଧ୍ୟରେ କିଏ ଜିତେ ? ଏହାର ଜବାବରେ ଅକ୍ଷୟ କହିଥିଲେ ଯେ ସର୍ବଦା ଟ୍ୱିଙ୍କଲ ହିଁ ଜିତନ୍ତି ।
ଅକ୍ଷୟ ତାଙ୍କ ପତ୍ନୀ ଟ୍ୱିଙ୍କଲଙ୍କୁ ନେଇ ବଡ଼ ଖୁଲାସା କରି ପ୍ରକାଶ କରିଥିଲେ ଯେ ବିବାହର ପ୍ରଥମ ରାତ୍ରିରୁ ହିଁ ସେ ବୁଝିସାରିଥିଲେ ଯେ ସେ ଟ୍ଵିଙ୍କିଲଙ୍କ ସହ ଲଢେଇରେ କେବେ ଜିତିପାରିବେ ନାହିଁ ।
ଅନେକ ସୁପରହିଟ୍ ଚଳଚ୍ଚିତ୍ରରେ କାମ କରିଥିବା ଅକ୍ଷୟଙ୍କ ପ୍ରେମ କାହାଣୀ ମଧ୍ୟ ବହୁତ ଆକର୍ଷଣୀୟ । କୁହାଯାଏ ଯେ ଯେତେବେଳେ ଟ୍ୱିଙ୍କଲଙ୍କ ଫିଲ୍ମ ମେଳା ମୁକ୍ତିଲାଭ କରିଥିଲା, ସେତେବେଳେ ଅକ୍ଷୟ ଟ୍ୱିଙ୍କଲଙ୍କୁ ବିବାହ ପାଇଁ ପ୍ରସ୍ତାବ ଦେଇଥିଲେ । ସେହି ସମୟରେ ଟ୍ୱିଙ୍କଲଙ୍କ ଉତ୍ତର ଥିଲା ଯେ ଯଦି ଫିଲ୍ମ ଫ୍ଲପ ହୁଏ ତେବେ ସେମାନେ ବିବାହ କରିବେ । ଫିଲ୍ମ ଫ୍ଲପ୍ ହେବା ପରେ ଦୁହେଁ ବିବାହ କରି ନେଇଥିଲେ ।
ଏକ ଫଟୋସୁଟ୍ ସମୟରେ ଅକ୍ଷୟ ଏବଂ ଟ୍ୱିଙ୍କଲ୍ ପ୍ରଥମେ ସାକ୍ଷାତ ହୋଇଥିଲେ । ଏକ ସାକ୍ଷାତକାରରେ ଅକ୍ଷୟ କହିଛନ୍ତି ଯେ ସେ ପ୍ରଥମ ଦେଖାରେ ଟ୍ୱିଙ୍କଲଙ୍କୁ ତାଙ୍କ ହୃଦୟ ଦେଇବସିଥିଲେ । ଫିଲ୍ମ ‘ଇଣ୍ଟରନ୍ୟାସନଲ ଖିଲାଡି’ର ସୁଟିଂ ସମୟରେ ଦୁହିଁଙ୍କ ପ୍ରେମର ପାରଦ ବଢିଯାଇଥିଲା ।
ଏକ ସାକ୍ଷାତକାରରେ ଟ୍ୱିଙ୍କଲ ଅକ୍ଷୟଙ୍କ ସହ ତାଙ୍କ ପ୍ରେମ କାହାଣୀ ବିଷୟରେ କହିଥିଲେ ଯେ ଯେତେବେଳେ ସେ ଅକ୍ଷୟଙ୍କୁ ଡେଟ କରିବା ଆରମ୍ଭ କରିଥିଲେ ସେତେବେଳେ ସେ ଏକ ଦୀର୍ଘ ସମ୍ପର୍କରୁ ଦୂରେଇ ଯାଇଥିଲେ ଏବଂ ଅନ୍ୟ କାହା ସହିତ କିଛି ଦିନ ଉପଭୋଗ କରିବାକୁ ଚାହୁଁଥିଲେ ।
ସାକ୍ଷାତକାରରେ ଟ୍ୱିଙ୍କଲ ଏହା ମଧ୍ୟ କହିଛନ୍ତି ଯେ ସେ ଅକ୍ଷୟଙ୍କୁ ୧୫ ଦିନ ପାଇଁ ତାଙ୍କ ପ୍ରେମିକା ମଧ୍ୟ କରି ସାରିଥିଲେ । ଏପରି ପରିସ୍ଥିତିରେ ଦୁହେଁ ଏକାଠି କିଛି ଦିନ ବିତାଇଲେ ଏବଂ ଶେଷରେ ଏହି ସମ୍ପର୍କକୁ ବିବାହ ପରିଣତ କରିବା ପାଇଁ ନିର୍ଣ୍ଣୟ ନେଇଥିଲେ ।
ଟ୍ୱିଙ୍କଲଙ୍କ ସହ ଅକ୍ଷୟଙ୍କ ବିବାହ ପ୍ରସ୍ତାବ ଉପରେ ଡିମ୍ପଲ୍ ମଧ୍ୟ ଏକ ସର୍ତ୍ତ ରଖିଥିଲେ ଯେ ଉଭୟଙ୍କୁ ଏକ ବର୍ଷ ଲିଭଇନରେ ରହିବାକୁ ପଡିବ । ଯଦି ସବୁକିଛି ଠିକ୍ ହୁଏ, ତେବେ ସେ ବିବାହକୁ ଅନୁମତି ଦେବେ । ମା ଡିମ୍ପଲଙ୍କ ସର୍ତ୍ତ ଅନୁଯାୟୀ ଅକ୍ଷୟ-ଟ୍ୱିଙ୍କଲ ଏକାଠି ରହିଥିଲେ ଏବଂ ଏହାର ଏକ ବର୍ଷ ପରେ ବିବାହ କରିଥିଲେ । ଜାନୁଆରୀ ୨୦୦୧ରେ ଦୁହେଁ ବିବାହ କରିଥିଲେ ।
ଟ୍ୱିଙ୍କଲ ୨୦୦୨ରେ ପୁଅ ଆରଭ ଏବଂ ୨୦୧୨ରେ ଝିଅ ନିତାରାଙ୍କୁ ଜନ୍ମ ଦେଇଥିଲେ । ନିତାରାଙ୍କ ପୂର୍ବରୁ ଟ୍ୱିଙ୍କଲ ଏକ ସର୍ତ୍ତ ରଖିଥିଲେ ଯେ ଯଦି ଅକ୍ଷୟ ଭଲ ଫିଲ୍ମରେ କାମ କରନ୍ତି ତେବେ ସେ ଦ୍ୱିତୀୟ ସନ୍ତାନ ପାଇଁ ଯୋଜନା କରିବେ, ଅକ୍ଷୟ ପତ୍ନୀଙ୍କୁ ମାନି ଚଳଚ୍ଚିତ୍ର ଚୟନ ବିଷୟରେ ଗମ୍ଭୀର ଭାବରେ ଚିନ୍ତା କରିବା ଆରମ୍ଭ କରିଥିଲେ ।
ଅକ୍ଷୟଙ୍କୁ ଇଣ୍ଡଷ୍ଟ୍ରିର କିଛି ହାତଗଣତି ଷ୍ଟାରଙ୍କ ମଧ୍ୟରେ ଗଣାଯାଏ ଯିଏ ବିଳମ୍ବିତ ରାତି ପର୍ଯ୍ୟନ୍ତ କାମ କରନ୍ତି ନାହିଁ ଏବଂ ସକାଳ ଚାରିଟାରେ ଉଠନ୍ତି । ତାଙ୍କର ଏହି ଜୀବନଶୈଳୀକୁ ଟ୍ୱିଙ୍କଲ୍ ମଧ୍ୟ ସମର୍ଥନ କରନ୍ତି । ଯେତେବେଳେ କରଣ ତାଙ୍କୁ ପଚାରିଥିଲେ ଅକ୍ଷୟଙ୍କୁ ଏହା ଅଭ୍ୟାସରେ ପରିଣତ କରିବା ପାଇଁ କେତେ ସମୟ ଲାଗିଥିଲା, ସେ କହିଥିଲେ ଯେ ସେ ଶୀଘ୍ର ଶୋଇବାକୁ ଏବଂ ଶୀଘ୍ର ଉଠିବାକୁ ପସନ୍ଦ କରନ୍ତି । ଟ୍ୱିଙ୍କଲ କହିଛନ୍ତି ଯେ ସେ ଏବଂ ଅକ୍ଷୟ ପ୍ରତିଦିନ ରାତିରେ ରମି ଖେଳି କରି ଶୁଅନ୍ତି ।
କାର୍ଯ୍ୟକ୍ଷେତ୍ର ବିଷୟରେ କହିବାକୁ ଗଲେ ଅକ୍ଷୟଙ୍କ ଆଗାମୀ ଚଳଚ୍ଚିତ୍ର ହେଉଛି ବେଲ୍ ବଟମ୍,ପୃଥିବୀରାଜ, ସୂର୍ଯ୍ୟବନ୍ସି, ବଚ୍ଚନ ପାଣ୍ଡେ,ରକ୍ଷାବନ୍ଧନ, ଅତରଙ୍ଗି ରେ, ହେରା ଫେରି 3, ଦୁର୍ଗାମତି, ରାମ ସେତୁ । ଆଜିକାଲି ଅକ୍ଷୟ ତାଙ୍କ ଚଳଚ୍ଚିତ୍ର ସୁଟିଂରେ ବ୍ୟସ୍ତ ରହୁଛନ୍ତି ।
