ଶୀଘ୍ର ଗର୍ଭବତୀ ହେବା ପାଇଁ ରଖନ୍ତୁ ଏହି କଥାର ଧ୍ୟାନ, ସହଜରେ ହୋଇଯିବ ଗର୍ଭଧାରଣ

ଶୀଘ୍ର ଗର୍ଭବତୀ ହେବା ପାଇଁ ରଖନ୍ତୁ ଏହି କଥାର ଧ୍ୟାନ, ସହଜରେ ହୋଇଯିବ ଗର୍ଭଧାରଣ

ବିବାହା ହେବାପରେ ପ୍ରତ୍ୟେକ ଝିଅର ମନରେ ମାଆ ହେବାର ଇଚ୍ଛା ନିଶ୍ଚିତ ଜାଗ୍ରତ ହୁଏ । ଅନେକ ଝିଅ ସହଜରେ ଗର୍ଭଧାରଣ କରିଦିଅନ୍ତି । ଯେତେବେଳେ କି କିଛି ମହିଳାଙ୍କୁ ମାଆ ହେବା ପାଇଁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଥାଏ । ଯଦି ଆପଣ ମାଆ ହେବାକୁ ସ୍ବପ୍ନ ଦେଖୁଛନ୍ତି ଏବଂ ଗର୍ଭଧାରଣ କରିବାକୁ ଚାହୁଁଛନ୍ତି, ତେବେ ନିମ୍ନଲିଖିତ କଥାକୁ ଧ୍ୟାନ ରଖନ୍ତୁ । ଏହି କଥାକୁ ପାଳନ କରିବା ଦ୍ଵାରା ଆପଣ ସହଜରେ ଗର୍ଭବତୀ ହୋଇଯିବେ ।

* ଗର୍ଭବତୀ ହେବା ପାଇଁ ରଖନ୍ତୁ ଏହି କଥାର ଧ୍ୟାନ:-

୧) ସଠିକ୍ ଭାବରେ ଆସୁଥିବା ଦରକାର ପିରିୟଡ୍ସ

ଯେଉଁ ମହିଳାଙ୍କୁ ଠିକ ଭାବରେ ପିରିୟଡ୍ସ ଆସିଥାଏ, କେବଳ ସେହି ମହିଳା ଗର୍ଭଧାରଣ କରିପାରିବେ । ଏଥିପାଇଁ ଆପଣ ଏହି କଥାକୁ ଧ୍ୟାନରେ ରଖିବା ଉଚିତ କି ଆପଣଙ୍କୁ ସଠିକ୍ ଭାବରେ ଏବଂ ନିୟମିତ ରୂପରେ ପିରିୟଡ୍ସ ଆସୁଥିବା ଦରକାର । ଯଦି ଆପଣଙ୍କୁ ପ୍ରତ୍ୟେକ ମାସରେ ସଠିକ ସମୟରେ ପିରିୟଡ୍ସ ଆସୁଥାଏ ତେବେ ଏହାର ଅର୍ଥ ହେଉଛି କି ଆପଣ ମାଆ ହୋଇପାରିବେ । ଯେଉଁମାନଙ୍କ ପିରିୟଡ୍ସ ତାରିଖରେ ବହୁତ ପରିବର୍ତ୍ତନ ହୋଇଥାଏ ଏବଂ ସମୟରେ ପିରିୟଡ୍ସ ହୋଇନଥାଏ, ସେହି ମହିଳାମାନେ ଡାକ୍ତରଙ୍କ ପରାମର୍ଶ ନେବା ଉଚିତ କାରଣ ଏହା ଅନିୟମିତ ହୋଇଥାଏ ।

ପିରିୟଡ୍ସର ଅନିୟମିତ ହେବାର ଅନେକ କାରଣ ହୋଇଥାଏ । ଯେପରିକି ଅତ୍ୟଧିକ ଚିନ୍ତିତ ହେବା, ଭୁଲ୍ ଖାଦ୍ୟ ଖାଇବା, ଭୁଲ ଔଷଧ ଖାଇବା ଇତ୍ୟାଦି । ଏହା ବ୍ୟତୀତ ଅନେକ ମହିଳାମାନଙ୍କୁ PCOD ଏବଂ PCOSର ସମସ୍ୟା ମଧ୍ୟ ହୋଇଯାଏ । ଯେଉଁ କାରଣରୁ ତାଙ୍କର ଠିକ ସମୟରେ ପିରିୟଡ୍ସ ହୁଏ ନାହିଁ । ଯଦି ଆରମ୍ଭ ସମୟରେ PCOD ଏବଂ PCOSର ସମସ୍ୟା ଜଣାପଡି ଯାଏ ତେବେ ଏହାକୁ ସହଜରେ ଠିକ୍ କରାଯାଇପାରିବ । ତେଣୁ ଯେତେବେଳେ ବି ଆପଣଙ୍କୁ ଅନିୟମିତ ପିରିୟଡ୍ସ ହୁଏ, ଆପଣ ଏହାକୁ ଅଣଦେଖା କରନ୍ତୁ ନାହିଁ ଏବଂ ଡାକ୍ତରଙ୍କ ପରାମର୍ଶ ନିଅନ୍ତୁ ।

୨) ଖାଦ୍ୟପେୟର ଧ୍ୟାନ ରଖନ୍ତୁ

ଯଦି ଆପଣ ମାଆ ହେବାର ଯୋଜନା କରିଛନ୍ତି, ତେବେ ନିଜର ଖାଦ୍ୟପେୟର ଧ୍ୟାନ ରଖନ୍ତୁ । କେବଳ ସୁସ୍ଥ ଖାଦ୍ୟ ହିଁ ଖାଆନ୍ତୁ । ନିଜ ଡାଇଟରେ ସବୁଜ ପନିପରିବା, ଚାଉଳ, ଡାଲି, ଫଳ ଇତ୍ୟାଦି ନିଶ୍ଚିତ ସାମିଲ କରନ୍ତୁ । ମଦ୍ୟପାନ କରନ୍ତୁ ନାହିଁ ଏବଂ ଧୂମପାନରୁ ମଧ୍ୟ ଦୂରେଇ ରୁହନ୍ତୁ । ବାସ୍ତବରେ, ମଦ୍ୟପାନ ଏବଂ ଧୂମପାନ କରିବା ଦ୍ଵାରା ଗର୍ଭଧାରଣ କରିବାରେ ଅସୁବିଧା ହୋଇଥାଏ ।

୩) ଚା ଏବଂ କଫିର ସେବନ କରନ୍ତୁ ନାହିଁ

ଚା ଏବଂ କଫି ସେବନ କରିବା ଦ୍ୱାରା ଗର୍ଭରେ ପ୍ରଭାବ ପଡିଥାଏ । ଏଥିପାଇଁ ଯେତେବେଳେ ମଧ୍ୟ ଆପଣ ମାଆ ହେବାକୁ ଭାବିବେ, ତେବେ ଏହି ଜିନିଷରୁ ଦୂରେଇ ଯାଆନ୍ତୁ ଏବଂ ଏହାର ସେବନ କରିବା ଠାରୁ ଦୂରେଇ ରୁହନ୍ତୁ ।

୪) ଗୋଟିଏ ଥର କରନ୍ତୁ ନିଜର ଯାଞ୍ଚ

ଗର୍ଭଧାରଣ କରିବା ପୂର୍ବରୁ ଗୋଟିଏ ଥର ନିଜର ଏବଂ ନିଜ ସ୍ବାମୀଙ୍କ ଯାଞ୍ଚ ଡାକ୍ତରଙ୍କ ଦ୍ଵାରା ନିଶ୍ଚିତ କରନ୍ତୁ । ଡାକ୍ତର ଦ୍ଵାରା ଯାଞ୍ଚ ହେବାପରେ ଏହା ଜଣାପଡେ କି ଆପଣ ଗର୍ଭଧାରଣ କରିବା ପାଇଁ ସମ୍ପୂର୍ଣ୍ଣ ସୁସ୍ଥ ଅଟନ୍ତି କି ନାହିଁ ।

୫) ବ୍ୟାୟାମ ଠାରୁ ଦୂରେଇ ରୁହନ୍ତୁ

ଯଦି ଆପଣ ମାଆ ହେବାର ଯୋଜନା କରୁଛନ୍ତି, ତେବେ ବ୍ୟାୟାମ ଠାରୁ ଦୂରେଇ ରୁହନ୍ତୁ । ବାସ୍ତବରେ, ଅନେକଥର ମହିଳାମାନେ ଗର୍ଭଧାରଣ କରିଦିଅନ୍ତି ଏବଂ ତାଙ୍କୁ ଏହି ବିଷୟରେ ବିଳମ୍ବରେ ଜଣାପଡେ । ଏପରି ପରିସ୍ଥିତିରେ ବ୍ୟାୟାମ କିମ୍ବା ଭାରି କାମ କରିବା ବିପଜ୍ଜନକ ହୋଇପାରେ । ଏଥିପାଇଁ ଆପଣ ଯେତେବେଳେ ମଧ୍ୟ ଗର୍ଭଧାରଣ କରିବାକୁ ଯୋଜନା କରିବେ ତେବେ ସେତେବେଳେ ବ୍ୟାୟାମ ଟିକେ କମ କରିବା ଉଚିତ ।

୬) ଓଜନର ଧ୍ୟାନ ରଖନ୍ତୁ

ଯେଉଁ ମହିଳାମାନେ ଅଧିକ ଓଜନ ହୋଇଥାନ୍ତି, ସେହି ମହିଳାମାନଙ୍କୁ ମାଆ ହେବାରେ ଅସୁବିଧା ହୋଇଥାଏ । ଅଧିକ ଓଜନ ହେବା କାରଣରୁ ମହିଳାମାନେ ଗର୍ଭଧାରଣ କରିପାରନ୍ତି ନାହିଁ । ଏଥିପାଇଁ ନିଜ ଓଜନକୁ ସର୍ବଦା ନିୟନ୍ତ୍ରଣରେ ରଖନ୍ତୁ ଏବଂ ଏହାକୁ ବଢିବାକୁ ଦିଅନ୍ତୁ ନାହିଁ । କୌଣସି କାରଣରୁ ଯଦି ଆପଣଙ୍କ ଓଜନ ବଢିଯାଇଥାଏ ତେବେ ଆପଣ ଏହାକୁ କମ୍ କରିଦିଅନ୍ତୁ ।

Leave a Reply

Your email address will not be published. Required fields are marked *