୫୫ତମ ଜନ୍ମଦିନ ଅବସରରେ ସଲମାନ ଖାନଙ୍କର ଏହି ୧୦ଜଣ ହିରୋଇନ ସ୍ୱତନ୍ତ୍ର ଭାବରେ ଜଣାଇଲେ ଜନ୍ମଦିନର ଶୁଭେଚ୍ଛା…

୫୫ତମ ଜନ୍ମଦିନ ଅବସରରେ ସଲମାନ ଖାନଙ୍କର ଏହି ୧୦ଜଣ ହିରୋଇନ ସ୍ୱତନ୍ତ୍ର ଭାବରେ ଜଣାଇଲେ ଜନ୍ମଦିନର ଶୁଭେଚ୍ଛା…

ବଲିଉଡର ସୁଲତାନ ସଲମାନ ଖାନଙ୍କର ଆଜି ଜନ୍ମଦିନ ଅଟେ । ସଲମାନ ଖାନ ଆଜି ୫୫ ବର୍ଷର ହୋଇଯାଇଛନ୍ତି । ମଧ୍ୟରାତ୍ରିରେ ସଲମାନ ତାଙ୍କର ପନୱେଲ ଫାର୍ମ ହାଉସରେ ଜନ୍ମଦିନ ପାଳନ କରିଛନ୍ତି । ଏଥିସହିତ ସୋସିଆଲ ମିଡିଆରେ ସଲମାନ ଖାନଙ୍କୁ ବହୁମାତ୍ରାରେ ଜନ୍ମଦିନର ଶୁଭେଚ୍ଛା ଏବଂ ଅଭିନନ୍ଦନ ମିଳୁଅଛି । ପ୍ରଶଂସକ ମାନଙ୍କ ଠାରୁ ଆରମ୍ଭ କରି ବଲିଉଡର ତାରକାମାନେ ମଧ୍ୟ ସଲମାନ ଖାନଙ୍କୁ ଜନ୍ମଦିନର ଶୁଭକାମନା ପଠାଉଛନ୍ତି । ଏଭଳି ପରିସ୍ଥିତିରେ ସଲମାନଙ୍କର ହିରୋଇନମାନେ ମଧ୍ୟ ତାଙ୍କୁ ଶୁଭେଚ୍ଛା ଜଣାଉଛନ୍ତି । ଆସନ୍ତୁ ଦେଖିବା ସଲମାନ ଖାନଙ୍କ ସହ କାମ କରିଥିବା ତାଙ୍କ ହିରୋଇନମାନେ କେଉଁଭଳି ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।

୧) କ୍ୟାଟ୍ରିନା କୈଫ :-

ସଲମାନ ଖାନଙ୍କ ବିଷୟରେ ଆଲୋଚନା କରିବା ସମୟରେ କ୍ୟାଟ୍ରିନା କୈଫଙ୍କର ନାମ ନିଶ୍ଚିତ ଭାବରେ ଆସିବ । ତେବେ ବର୍ତ୍ତମାନ ସମୟରେ ଦୁହେଁ ଭଲ ବନ୍ଧୁ ଅଟନ୍ତି କିନ୍ତୁ ଏଭଳି ଏକ ସମୟ ଥିଲା, ଯେତେବେଳେ ସଲମାନ କ୍ୟାଟ୍ରିନାଙ୍କ ପ୍ରେମରେ ପାଗଳ ଥିଲେ । କ୍ୟାଟ୍ରିନା, ସଲମାନ ଖାନଙ୍କ ପାଇଁ ନିଜ ଇନଷ୍ଟାଗ୍ରାମ ଷ୍ଟୋରୀରେ ଫୋଟ ସେୟାର କରି ତାଙ୍କୁ ଜଣେ ପ୍ରକୃତ ମଣିଷ ବୋଲି କହିଛନ୍ତି ଏବଂ ତାଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।

୨) ଜ୍ୟାକଲିନ ଫର୍ଣ୍ଣାଣ୍ଡିଜ :-

ସଲମାନ ଖାନଙ୍କ ସହ ଜ୍ୟାକଲିନ “କିକ୍” ଚଳଚ୍ଚିତ୍ରରେ କାମ କରିଥିଲେ । ସଲମାନଙ୍କ ହିରୋଇନ ଜ୍ୟାକଲିନ ତାଙ୍କୁ ଜନ୍ମଦିନ ଅବସରରେ ପୁଣିଥରେ ଯୁବକ କରିଦେଇଛନ୍ତି । ବାସ୍ତବରେ ଜ୍ୟାକଲିନ ନିଜ ସହ-କଳାକାର ସଲମାନଙ୍କ ସହ ଇନଷ୍ଟାଗ୍ରାମରେ ଫୋଟ ସେୟାର କରି ସେଥିରେ ବେବି ଫେସ୍ ଫିଲଟର ଲଗାଇ ପିଲାମାନଙ୍କ ମୁହଁ କରିଦେଇଛନ୍ତି । ସଲମାନଙ୍କ ଜନ୍ମଦିନରେ ଜ୍ୟାକଲିନଙ୍କର ଏହି ସ୍ୱତନ୍ତ୍ର ଶୁଭେଚ୍ଛା ଅତ୍ୟନ୍ତ ଚର୍ଚ୍ଚାରେ ରହିଛି ।

୩) କରିସ୍ମା କପୁର :-

ଅନ୍ୟପକ୍ଷରେ କରିସ୍ମା କପୁର ଲେଖିଛନ୍ତି, ପୂର୍ବ ସ୍ମୃତି । ଜନ୍ମଦିନର ହାର୍ଦ୍ଦିକ ଶୁଭେଚ୍ଛା ସଲମାନ ଖାନ ।

୪) ରବିନା ଟଣ୍ଡନ :-

ରବିନା ଟଣ୍ଡନ ଶୁଭେଚ୍ଛା ଜଣାଇ ତାଙ୍କ ସହ ପୁରୁଣା ଫୋଟ ସେୟାର କରି ଜନ୍ମଦିନର ଅଭିନନ୍ଦନ ଜଣାଇଛନ୍ତି ।

୫) ସୋନାକ୍ଷୀ ସିହ୍ନା :-

ଚଳଚ୍ଚିତ୍ର “ଦବଙ୍ଗ”ରୁ ବଲିଉଡ ଦୁନିଆକୁ ଡେବ୍ୟୁ କରିଥିବା ଅଭିନେତ୍ରୀ ସୋନାକ୍ଷୀ ମଧ୍ୟ ସଲମାନ ଖାନଙ୍କ ସହ ଇନଷ୍ଟାଗ୍ରାମ ଷ୍ଟୋରୀରେ ଫୋଟ ସେୟାର କରି ଜନ୍ମଦିନର ଶୁଭକାମନା ଜଣାଇଛନ୍ତି ।

୬) ସୋନମ କପୁର :-

“ପ୍ରେମ ରତନ ଧନ ପାୟୋ” ଚଳଚ୍ଚିତ୍ରରେ ସଲମାନଙ୍କ ସହ କାମ କରିଥିବା ଅଭିନେତ୍ରୀ ସୋନମ କପୁର ସଲମାନ ଖାନଙ୍କ ସହ ଇନଷ୍ଟାଗ୍ରାମ ଷ୍ଟୋରୀରେ ଫୋଟ ସେୟାର କରି ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।

୭) ମାଧୁରୀ ଦୀକ୍ଷିତ ନେନେ :-

ସଲମାନ ଖାନଙ୍କର ଘନିଷ୍ଠ ବନ୍ଧୁ ଏବଂ “ହମ୍ ଆପକେ ହେ କୌନ୍”ର ଅଭିନେତ୍ରୀ ମାଧୁରୀ ଦୀକ୍ଷିତ ନିଜ ସହ-କଳାକାରଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ଏବଂ ଲେଖିଛନ୍ତି ଜନ୍ମଦିନର ହାର୍ଦ୍ଦିକ ଶୁଭେଚ୍ଛା ସଲମାନ ଖାନ, ଆଶା କରୁଛି ତୁମେ ଏକ ଭଲ ଏବଂ ସୁସ୍ଥମୟ ଦିନ ଅତିବାହିତ କର ।

୮) କରିନା କପୁର ଖାନ :-

କରିନା କପୁର ଖାନ ନିଜ ଇନଷ୍ଟାଗ୍ରାମ ଷ୍ଟୋରୀରେ ସଲମାନ ଖାନଙ୍କର ଏକ ପୁରୁଣା ଫୋଟ ସେୟାର କରି ଲେଖିଛନ୍ତି ଯେ, ଜନ୍ମଦିନର ହାର୍ଦ୍ଦିକ ଶୁଭେଚ୍ଛା ବଜରଙ୍ଗୀ ଭାଇଜାନ, ସଦାସର୍ବଦା ପାଇଁ ସୁପରଷ୍ଟାର ରୁହ ।

୯) ଭାଗ୍ୟଶ୍ରୀ :-

“ମେନେ ପ୍ୟାର୍ କିୟା” ଚଳଚ୍ଚିତ୍ରରେ ଦେଖାଯାଇଥିବା ଅଭିନେତ୍ରୀ ଭାଗ୍ୟଶ୍ରୀ ସଲମାନ ଖାନଙ୍କ ସହ ପୁରୁଣା ଫୋଟ ସେୟାର କରି ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।

୧୦) ଡେଜି ଶାହା :-

ସଲମାନ ଖାନଙ୍କ ସହ “ଜୟ ହୋ” ଚଳଚ୍ଚିତ୍ରରେ କାମ କରିଥିବା ଅଭିନେତ୍ରୀ ଡେଜି ଶାହା ସଲମାନଙ୍କ ସହ ଇନଷ୍ଟାଗ୍ରାମ ଷ୍ଟୋରୀରେ ଏକ ଫୋଟ ସେୟାର କରି ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।

Leave a Reply

Your email address will not be published. Required fields are marked *