ସୈଫ ଅଲ୍ଲୀ ଖାନ୍ ସୀତାଙ୍କର ଅପହରଣକୁ ଠିକ୍ ବୋଲି କହିଲେ, ସୋସିଆଲ ମିଡିଆରେ ହେଲେ ଟ୍ରୋଲିଂର ଶିକାର !

ସୈଫ ଅଲ୍ଲୀ ଖାନ୍ ସୀତାଙ୍କର ଅପହରଣକୁ ଠିକ୍ ବୋଲି କହିଲେ, ସୋସିଆଲ ମିଡିଆରେ ହେଲେ ଟ୍ରୋଲିଂର ଶିକାର !

ଅଭିନେତା ସୈଫ ଅଲ୍ଲୀ ଖାନ୍ ପୁଣିଥରେ ବିବାଦରେ ରହିଛନ୍ତି । ଟ୍ୱିଟରରେ ସେ ଖରାପ ଭାବରେ ଟ୍ରୋଲ୍ ହେଉଛନ୍ତି । ତାଙ୍କ ଆଗାମୀ ଚଳଚ୍ଚିତ୍ର ଆଦିପୁରୁଷକୁ ବଏକୋଟ କରାଯିବା ପାଇଁ ଆବେଦନ ହେଉଛି । ଏହାସହିତ ସୋସିଆଲ ମିଡିଆରେ #BoyCottAdiPurush ଟ୍ରେଣ୍ଡ ହେଉଛି । ବାସ୍ତବରେ ଚଳଚ୍ଚିତ୍ର ବିଷୟରେ ସୈଫ ଅଲ୍ଲୀ ଖାନ୍ ଏଭଳି କିଛି କହିଦେଇଛନ୍ତି, ଯେଉଁଥିପାଇଁ ସେ ଏବଂ ତାଙ୍କ ଚଳଚ୍ଚିତ୍ର ଉଭୟ ବିବାଦକୁ ଆସି ଯାଇଛନ୍ତି । ସୈଫ ଅଲ୍ଲୀ ଖାନ୍ ନିକଟରେ ଏକ ସାକ୍ଷାତକାର ଦେଇଥିଲେ, ଯେଉଁଥିରେ ସେ ରାବଣଙ୍କ ଦ୍ଵାରା ସୀତାଙ୍କର ଅପହରଣକୁ ଠିକ୍ ବୋଲି କହିଥିଲେ । ସେ କହିଥିଲେ ଯେ ନିର୍ଦ୍ଦେଶକ ଓମ୍ ରାଉତ ଦୃଷ୍ଟ ଚରିତ୍ର ମାନଙ୍କୁ ମାନବୀୟ ଏବଂ ମନୋରଞ୍ଜକ କରିଛନ୍ତି । ଜଣେ ରାକ୍ଷସ ରାଜାଙ୍କର ଭୂମିକାରେ ଅଭିନୟ କରିବା ଆକର୍ଷଣୀୟ ହେବ କିନ୍ତୁ ଏହା ସେତେ କଠିନ ନୁହେଁ । ଆମେ ମାନେ ଏହାକୁ ମନୋରଞ୍ଜନ ଦ୍ୱାରା ପରିପୂର୍ଣ୍ଣ କରିଛୁ । ଏଥିରେ ପ୍ରଦର୍ଶିତ କରାଯିବ ଯେ ସୀତାଙ୍କ ଅପହରଣ ଏବଂ ରାମଚନ୍ଦ୍ରଙ୍କ ସହ ରାବଣର ଯୁଦ୍ଧ ଠିକ୍ ଥିଲା, କାରଣ ଲକ୍ଷ୍ମଣ ରାବଣଙ୍କର ଭଉଣୀ ସୁପଣେଖାଙ୍କର ନାକ କାଟି ଦେଇଥିଲେ ।

ସୈଫ ଅଲ୍ଲୀ ଖାନଙ୍କର ଏହି ବିବୃତ୍ତି ଲୋକମାନଙ୍କୁ କ୍ରୋଧାନ୍ୱିତ କରିଛି । କିଛି ଜଣ ବ୍ୟବହାରକାରୀ ତାଙ୍କୁ ପ୍ରଭାସଙ୍କର ଚଳଚ୍ଚିତ୍ରରୁ ବାହାର କରିବାପାଇଁ ଦାବି ମଧ୍ୟ କରୁଛନ୍ତି । ଏଥିସହିତ ଅନେକ ଲୋକ ଚଳଚ୍ଚିତ୍ରଟିକୁ ବହିଷ୍କାର କରିବା କଥା କହୁଛନ୍ତି ।

ବ୍ୟବହାରକାରୀ ମାନଙ୍କର କହିବା ଅନୁଯାୟୀ, ସମସ୍ତେ ଏକାଠି ହୋଇଯାଅ, ଯେପରିକି ଓମ୍ ତାଙ୍କର ଏହି ଚଳଚ୍ଚିତ୍ରର ସମ୍ପୂର୍ଣ୍ଣ କଳାକାର ମାନଙ୍କୁ ପରିବର୍ତ୍ତନ କରିଦେବେ ଏବଂ ସୈଫ ଅଲ୍ଲୀ ଖାନଙ୍କୁ ବାହାର କରିଦେବେ ।

ଜଣେ ବ୍ୟବହାରକାରୀ କହିଛନ୍ତି ଯେ, ସୈଫ ଅଲ୍ଲୀ ଖାନଙ୍କ ସହ କାମ କରି ପ୍ରଭାସଙ୍କର ପ୍ରତି ଛବି ଖରାପ ହୋଇଯିବ ।

ଏଥିସହିତ ସୈଫ ଅଲ୍ଲୀ ଖାନଙ୍କ ଉପରେ ଅନେକ ମିମ୍ସ ମଧ୍ୟ ତିଆରି ହେଉଛି । ପ୍ରଭାସଙ୍କର ପ୍ରଶଂସକ ମାନେ ତାଙ୍କୁ ଚଳଚ୍ଚିତ୍ରରୁ ବାହାର କରିବା କଥା କହୁଛନ୍ତି ।

ଆପଣଙ୍କୁ କହିରଖୁଛୁ ଯେ, ଏହାପୂର୍ବରୁ ସୈଫ ଅଲ୍ଲୀ ଖାନ୍ ଚଳଚ୍ଚିତ୍ର ତାମହାଜିକୁ ନେଇ ଦେଇଥିବା ଏକ ବିବୃତ୍ତି ଯୋଗୁଁ ମଧ୍ୟ ଚର୍ଚ୍ଚାରେ ରହିଥିଲେ । ସେତେବେଳେ ସେ କହିଥିଲେ ଯେ, ଏହି ଚଳଚ୍ଚିତ୍ରରେ ଇତିହାସକୁ ଭାଙ୍ଗି ରଖିଦିଆଯାଇଛି । ମୋଗଲ ମାନେ ଏତେ ଖରାପ ନଥିଲେ । ସେହି ସମୟରେ ମଧ୍ୟ ସୈଫ ଅଲ୍ଲୀ ଖାନଙ୍କୁ ବହୁତ ଟ୍ରୋଲ୍ କରାଯାଇଥିଲା ।

Leave a Reply

Your email address will not be published. Required fields are marked *