ମୋଦୀ ସରକାରଙ୍କ ବଡ ଘୋଷଣା, ଚଳିତ ବର୍ଷ ୩୦ ଲକ୍ଷ ସରକାରୀ କର୍ମଚାରୀ ମାନଙ୍କୁ ଦିଆଯିବ ଦୀପାବଳି ବୋନସ୍

ମୋଦୀ ସରକାରଙ୍କ ବଡ ଘୋଷଣା, ଚଳିତ ବର୍ଷ ୩୦ ଲକ୍ଷ ସରକାରୀ କର୍ମଚାରୀ ମାନଙ୍କୁ ଦିଆଯିବ ଦୀପାବଳି ବୋନସ୍

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିବା କ୍ୟାବିନେଟ ବୈଠକରେ ସରକାରୀ କର୍ମଚାରୀ ମାନଙ୍କୁ ଦୀପାବଳି ବୋନସ୍ ଦେବାପାଇଁ ନିଷ୍ପତ୍ତି ନିଆଯାଇଛି । ସରକାରଙ୍କ ତରଫରୁ ଚଳିତ ବର୍ଷ ୩୦ ଲକ୍ଷ ସରକାରୀ କର୍ମଚାରୀଙ୍କୁ ଦୀପାବଳି ବୋନସ୍ ପ୍ରଦାନ କରାଯିବ । ଯାହାକୁ ସିଧାସଳଖ ଭାବରେ କର୍ମଚାରୀ ମାନଙ୍କ ଆକାଉଣ୍ଟକୁ ସ୍ଥାନାନ୍ତରିତ କରାଯିବ । ସରକାରଙ୍କ ଏହି ନିଷ୍ପତ୍ତି ସମ୍ପର୍କରେ ସୂଚନା ଦେଇ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ ଡିବିଟି ଅର୍ଥାତ ଡାଇରେକ୍ଟ ବେନିଫିଟ ଟ୍ରାନ୍ସଫର ମାଧ୍ୟମରେ କର୍ମଚାରୀ ମାନଙ୍କ ଆକାଉଣ୍ଟକୁ ଟଙ୍କା ସ୍ଥାନାନ୍ତରିତ କରାଯିବ । ଏହି ଟଙ୍କା ଦଶହରା ପୂର୍ବରୁ ପ୍ରଦାନ କରି ଦିଆଯିବ ।

ପ୍ରକାଶ ଜାଭଡେକର କହିଛନ୍ତି ଯେ ୨୦୧୯-୨୦ ଆର୍ଥିକ ବର୍ଷ ପାଇଁ ଉତ୍ପାଦନ ସମ୍ବନ୍ଧୀୟ ବୋନସ୍ ଏବଂ ଅଣ-ଉତ୍ପାଦନ ଜଡିତ ବୋନସକୁ କ୍ୟାବିନେଟ ଅନୁମତି ଦେଇଛି । କେନ୍ଦ୍ର ସରକାରଙ୍କ କର୍ମଚାରୀଙ୍କୁ ୩୭୩୭ କୋଟି ଟଙ୍କା ଦେବାକୁ ପଡିବ ।

କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ଦ୍ୱାରା ୩୦ ଲକ୍ଷରୁ ଅଧିକ ଅଣ-ରାଜପତ୍ରିତ କର୍ମଚାରୀଙ୍କୁ ଲାଭ ମିଳିବ । ଆପଣଙ୍କୁ କହିରଖୁଛୁ ଯେ ଗତ ସପ୍ତାହରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ସରକାରୀ କର୍ମଚାରୀଙ୍କ ପାଇଁ ସ୍ପେସିଆଲ ଫେଷ୍ଟିଭାଲ ଆଡ଼ଭାନ୍ସ ସ୍କିମ୍ ଆରମ୍ଭ କରିଥିଲେ । ଯେଉଁଥିରେ କର୍ମଚାରୀମାନେ ଆଡ଼ଭାନ୍ସ ୧୦ ହଜାର ଟଙ୍କା ନେଇପାରିବେ ।

ସ୍ପେସିଆଲ ଫେଷ୍ଟିଭାଲ ଆଡଭାନ୍ସ ସ୍କିମ୍:-

କେନ୍ଦ୍ରୀୟ କର୍ମଚାରୀ ମାନଙ୍କ ପାଇଁ ସ୍ପେସିଆଲ ଫେଷ୍ଟିଭାଲ ଆଡଭାନ୍ସ ସ୍କିମ୍ ଆରମ୍ଭ କରାଯାଇଛି । ତେବେ ଅର୍ଥମନ୍ତ୍ରୀଙ୍କ ଅନୁଯାୟୀ ରାଜ୍ୟ ସରକାରୀଙ୍କ କର୍ମଚାରୀମାନେ ମଧ୍ୟ ଏହାର ଲାଭ ଉଠାଇ ପାରିବେ । କିନ୍ତୁ ରାଜ୍ୟ ସରକାରଙ୍କୁ ଏହି ପ୍ରସ୍ତାବ ମାନିବାକୁ ପଡ଼ିବ । ଅର୍ଥମନ୍ତ୍ରୀ କହିଛନ୍ତି ଯେ ଏହି ଯୋଜନାର ଲାଭ ଉଠାଇବା ପାଇଁ କର୍ମଚାରୀମାନଙ୍କୁ ରୂପେ ପ୍ରି-ପେଡ୍ କାର୍ଡ ମିଳିବ ଏବଂ ଏହା ପୂର୍ବରୁ ରିଚାର୍ଜ ହୋଇଥିବ । ଏଥିରେ ୧୦ ହଜାର ଟଙ୍କା ଦିଆଯିବ ଏବଂ ଏହା ଉପରେ ଲାଗୁଥିବା ସମସ୍ତ ବ୍ୟାଙ୍କ ଚାର୍ଜ ମଧ୍ୟ ସରକାର ଦେବେ । ଆଡ଼ଭାନ୍ସ ନିଆଯାଇଥିବା ଟଙ୍କାକୁ କର୍ମଚାରୀ ମାନଙ୍କୁ ୧୦ ମାସ ମଧ୍ୟରେ ଦେବାକୁ ପଡିବ ଏବଂ ମାସକୁ ହଜାରେ ଟଙ୍କାର କିସ୍ତି ଦେବାକୁ ପଡିବ ।

ଏଲଟିସି କ୍ୟାଶ ସ୍କିମକୁ ମଧ୍ୟ ଘୋଷଣା କରିଥିଲେ:-

ଅର୍ଥମନ୍ତ୍ରୀ ନିର୍ମଳା ସୀତାରମଣ ସ୍ୱତନ୍ତ୍ର ଏଲଟିସି କ୍ୟାଶ୍ ସ୍କିମକୁ ମଧ୍ୟ ଘୋଷଣା କରିଥିଲେ । ଏହି ଯୋଜନା ମଧ୍ୟ କେନ୍ଦ୍ର ସରକାରଙ୍କ କର୍ମଚାରୀ ମାନଙ୍କ ପାଇଁ ଅଟେ । ଏହି ଯୋଜନାରେ ଏଲଟିଏ ପରିବର୍ତ୍ତେ କର୍ମଚାରୀମାନଙ୍କୁ କ୍ୟାଶ୍ ଭାଉଚର ଦେବାପାଇଁ କୁହାଯାଇଥିଲା ।

କରୋନା କାରଣରୁ ଯେଉଁ ଲୋକମାନେ ଏହି ଏଲଟିସିର ଲାଭ ଉଠାଇ ନ ପାରିବେ । ସେହି କର୍ମଚାରୀ ମାନଙ୍କୁ ଯାତ୍ରା ଭତ୍ତା ଅବକାଶ ଯୋଜନାରେ କ୍ୟାଶ୍ ଭାଉଚର ଯୋଜନାର ସୁବିଧା ଦିଆଯିବ । ଯାହାର ବ୍ୟବହାର ୩୧ ମାର୍ଚ୍ଚ ୨୦୨୧ ପୂର୍ବରୁ କରିବାକୁ ପଡିବ ।

Leave a Reply

Your email address will not be published. Required fields are marked *