ସଫଳତା ଆପଣଙ୍କ ପାଦ ଛୁଇଁବ ଯଦି ଏହି କଥା ପ୍ରତି ଧ୍ୟାନ ରଖିବେ…

ସଫଳତା ଆପଣଙ୍କ ପାଦ ଛୁଇଁବ ଯଦି ଏହି କଥା ପ୍ରତି ଧ୍ୟାନ ରଖିବେ…

ଆଚାର୍ଯ୍ୟ ଚାଣକ୍ୟ ନିଜ ବଚନ ଦ୍ୱାରା ମାନବକୁ ଉତ୍ତମ ଜୀବନ ବଞ୍ଚିବାର ସନ୍ଦେଶ ପ୍ରଦାନ କରିଛନ୍ତି । ଜୀବନର ପ୍ରତ୍ୟେକ ମୋଡ଼ରେ ମାନବକୁ ଆଚାର୍ଯ୍ୟ ଚାଣକ୍ୟଙ୍କ ଦ୍ଵାରା କୁହାଯାଇଥିବା କଥା କାମରେ ଆସିଥାଏ । ଚାଣକ୍ୟ ନୀତିରେ ଅନେକ କଥା ରହିଛି, ଯାହାକୁ ଯଦି ଆମେ ଜୀବନରେ ଉପଯୋଗ କରିବା ତେବେ ଆମେ ଏକ ଉତ୍ତମ ଜୀବନ ଲାଭ କରି ପାରିବୁ । ଏହିପରି ଚାଣକ୍ୟ କହିଛନ୍ତି ଯେ, ଯଦି ମନୁଷ୍ୟକୁ ସଫଳତା ପାଇବାର ଅଛି ତେବେ ତାକୁ କେଉଁ କଥାର ଧ୍ୟାନ ରଖିବା ଉଚିତ ଆସନ୍ତୁ ଜାଣିବା । ଆସନ୍ତୁ ଆମେ ଆପଣଙ୍କୁ ତିନୋଟି ମହତ୍ୱପୂର୍ଣ୍ଣ କଥା ବିଷୟରେ କହିବୁ ।

କର୍ମ ଉପରେ ବିଶ୍ୱାସ :-

ଆଜିକା ସମୟରେ ବିଶ୍ୱାସ ଖୁବ୍ ଗୁରୁତ୍ୱପୂର୍ଣ୍ଣ ଅଟେ । କୌଣସି ବି ଜିନିଷରେ, କୌଣସି ବି ସମ୍ପର୍କରେ କିମ୍ବା କୌଣସି ବି କ୍ଷେତ୍ରରେ ବିଶ୍ୱାସର ଆବଶ୍ୟକତା ରହିଥାଏ । ପୁଣି ଆପଣ ମଧ୍ୟ ନିଜ କାର୍ଯ୍ୟ କ୍ଷେତ୍ରରେ ସଫଳତା ପାଇବାକୁ ଚାହୁଁଛନ୍ତି, ତେଣୁ କେବେବି ଏହାର ବିପରୀତ ନହୋଇଯାଉ । ଆପଣଙ୍କୁ ନିଜ କାମ ଉପରେ ଭରସା ଆଣିବାକୁ ପଡ଼ିବ ଏବଂ ତାସହିତ ସତ୍ୟ ଏବଂ ସଚ୍ଚୋଟତାର ସହିତ ନିଜର କାମ କରିବା ଆବଶ୍ୟକ । ଯଦି ଆପଣ ଏହିସବୁ ଜିନିଷରେ ତାଳମେଳ ବଜାୟ ରଖି ଚାଲନ୍ତି ତେବେ ଆପଣ ନିଶ୍ଚିତ ଭାବରେ ନିଜ କାର୍ଯ୍ୟରେ ସଫଳ ହେବେ । ଏହା ଆବଶ୍ୟକ ନୁହେଁ ଯେ, ଆପଣ ଅଧିକ ପରିଶ୍ରମ କରୁଛନ୍ତି ତେଣୁ ଆପଣଙ୍କୁ ସଫଳତା ମିଳିଯିବ । ଅଧିକ ପରିଶ୍ରମ ସହିତ ଅଧିକ ପ୍ରବନ୍ଧନ ଏବଂ କର୍ମ ଉପରେ ଭରସାର ମଧ୍ୟ ଆବଶ୍ୟକତା ରହିଛି । ଯାହାଦ୍ୱାରା ଆପଣଙ୍କୁ ଦୁନିଆରେ ସଫଳ ହେବାରୁ କୌଣସି ବି ଶକ୍ତି ରୋକିପାରିବ ନାହିଁ । ଆପଣ ନିରନ୍ତର ଭାବରେ ନିଜ କାର୍ଯ୍ୟରେ ଲଗାତାର ଲାଗି ରୁହନ୍ତୁ ଏବଂ ଦିନେ ନା ଦିନେ ନିଶ୍ଚିତ ଭାବରେ ସଫଳତା ପ୍ରାପ୍ତ ହେବ ।

ଅଧ୍ୟବସାୟୀ ହୁଅନ୍ତୁ ଏବଂ ପରାଜୟ ସ୍ୱୀକାର କରନ୍ତୁ ନାହିଁ :-

ଆଚାର୍ଯ୍ୟ ଚାଣକ୍ୟ ସଫଳତା ପାଇଁ ଅନ୍ୟ ସୂତ୍ର ଭାବରେ ଏହା କହିଛନ୍ତି ଯେ, ଆପଣ କେବେବି ନିଜ କାମକୁ ନେଇ ହାର୍ ମାନନ୍ତୁ ନାହିଁ । ଯେଉଁ କାମ କରୁଛନ୍ତି ଲଗାତାର ଭାବରେ ସେହି କାମରେ ଲାଗି ରୁହନ୍ତୁ । ବାରମ୍ବାର ପରାଜୟ ଅର୍ଥାତ ଅସଫଳତା ମିଳିବା ସତ୍ତ୍ୱେ ବି ଯଦି ଆପଣ ସଫଳତାର ବିଶ୍ୱାସ ନେଇ କର୍ମ କରି ଚାଲନ୍ତି ତେବେ ସଫଳତା ନିଶ୍ଚିତ ମିଳିବ । କେବେବି ଥକି ପଡ଼ି ହାରିଯାଇ କାମ ଠାରୁ ମୁହଁ ଫେରାଇ ନିଅନ୍ତୁ ନାହିଁ । ଏପରି ଭାବନ୍ତୁ ନାହିଁ ଯେ ଆପଣ ଏତେ ପରିଶ୍ରମ କରିଲେ, ଏତେ ସଂଘର୍ଷ କରିଲେ ତଥାପି ସଫଳତା ମିଳୁନାହିଁ । ହୋଇପାରେ ଆପଣଙ୍କ କାମରେ କିଛି ତ୍ରୁଟି ରହିଛି କିଛି ଦୁର୍ବଳତା ରହିଛି । ତେଣୁ ଆପଣ ସେହି ତ୍ରୁଟି ଏବଂ ଦୁର୍ବଳତାକୁ ସୁଧାରିବାକୁ ଚେଷ୍ଟା କରନ୍ତୁ । କାରଣ ସଫଳତା ଥରେ କିମ୍ବା ଦୁଇଥରରେ ନୁହେଁ ବରଂ ବାରମ୍ବାର ପ୍ରୟାସ ପରେ ମିଳିଥାଏ ।

ବଧିର ହୋଇଯାଅ :-

ବଧିର ହୋଇଯାଅ ଅର୍ଥାତ ନିଜ କାମ ଉପରେ କେବଳ ଧ୍ୟାନ ଦିଅ । ଦୁନିଆ କିଛିବି କହୁ, ଲୋକେ କିଛିବି କୁହନ୍ତୁ କାହାରି କଥା ଶୁଣନ୍ତୁ ନାହିଁ । ଯେଉଁଠି ଆପଣ କେବଳ ନିଜର ମନ କଥା ଶୁଣନ୍ତୁ । ଲୋକେ ଆପଣଙ୍କୁ ତଳକୁ ଖସାଇବାକୁ ଚେଷ୍ଟା କରିବେ, ବିରୋଧ କରିବେ, ଯେଉଁ କାମ କରୁଛନ୍ତି ତାହାକୁ କରିବାକୁ ଦେବେ ନାହିଁ, ସେଥିପାଇଁ ବାରଣ କରିବେ । କିନ୍ତୁ ଆପଣଙ୍କୁ ଏହି ସ୍ଥିତିରେ ନିଜକୁ ବଧିର ବନାଇ ନେବାର ଅଛି । ଯଦି ଆପଣ ଲୋକଙ୍କ କଥାରେ ଆସିଯିବେ ତେବେ ଆପଣ ସଫଳତାର ଶିଖର ପର୍ଯ୍ୟନ୍ତ ପହଞ୍ଚି ପାରିବେ ନାହିଁ । ତେଣୁ ଯେକୌଣସି ପରିସ୍ଥିତିରେ ବି କେବଳ ନିଜ ଲକ୍ଷ ଉପରେ ଧ୍ୟାନ ରଖନ୍ତୁ ।

Leave a Reply

Your email address will not be published. Required fields are marked *